Jamita : Markus 9:38-50
PANGURUPION DI HITA DI BAGASAN GOAR NI JAHOWA
“Ndang oraanmuna ibana nian”. Hata on ma
pandohan ni Jesus tu si Johannes uju ro ibana paboahon tu Jesus na adong diida nasida sian duru ni sisean (na sai mangihuthon Jesus) na pabalihon
tondi na hodar marhitehite goar ni Jesus. Di roha ni angka sisean i, boi do
mamangke goar ni Jesus laho patupahon panghobasion (pelayanan) nang so targoar sisean (siihuthon) ni Jesus?. Mansai
tangkas do alus ni Jesus tu sisean i, ima: “ai ndang tagamon insahan ni halak Ahu, dung
jolo diulahon hagogoon marhitehite GoarHu”. Ai tung pasupasu na mansai
arga do angka ulaon na denggan na binahen ni manang ise pe nang pe so targoar
ibana diduru ni sisean ni Jesus (12 halak).
Pingkiran ni
si Johannes mambahen Jesus dohot goar ni Jesus na gok “huaso” i, hira holan
nampuna ni nasida manang sepihak (menjadikan
Yesus yang eksklusif: tertutup hanya
untuk mereka saja-terkurung hanya untuk orang tertentu saja), hape ndang
songon i anggo na sasintongna. Ndang boi dohonon holan di hita (halak Kristen) do huaso ni
Jesus i jala holan hita na boi patupa ulaon “mangasahon
goar ni Jesus”, ndang dohot di halakan diduru ni ugamo Kristen. Ai pandongani
do di hita, na so mangalo hita (ay. 40).
Dipatudos
Jesus do ulaon na songon i tu “na painumhon aek santahu tu sasahalak na
mangharinghothonsa dibagasan GoarNa, jala halak na songon i ndang na mago
upana. Mansai andul situtu do arga ni ulaon i sian na halak na manggasipi sada
sian angka na porsea di Jesus (na
metmet), jala halak na manggasipi: “denggananma
digantungkon losung batu tu rungkungna, mangalononghon ibana tu laut”. Ala ni i manat
ma sisean i sian angka
na tau manggasipi ibana jala laos boi muse do gabe manggasipi halak na asing. Unang ma gabe
targasip lumobi gabe gasip, ala adong
uloan nasida na mansai ringkot: “alai ingkon siraan do ganup di bagasan api (karena
setiap orang akan digarami dengan api) ay. 49. Lapatanna sude sisean ni
Jesus ingkon siraan jala ingkon paiasonna rohana asa mangolu dibagasan dame
sama nasida jala mardame dohot halak na asing. Ima sira na marguna na boi manirai
jala manghorhon dame. Ai dame i, ima sira na mansai
diharinghothon torop halak di bagasan parngoluonna
siganup ari. Molo so adong dame, ndang denggan pardalanan ni ngolunta dibagasan
las ni roha.
Ise do na
tutu situtu na gabe siihuthon jala mangulahon parsuruon ni Jesus? Ise do na
patut mamangke goar ni Jesus laho mangulahon ulaon na marguna situtu songon na
binahen ni Jesus. Tontu halak na manghaporseai “Jesus” ala dibagasan
goar ni Jesus tarpatupa halak na manghaporseai Ibana do ulaon na mansai balga,
ndada holan halak na manggoar ibana sisean manang siihuthon Jesus. Ai ternyata
sisean na sampulu dua i, naung targoar “Sisean” ndang margogo nasida pabalihon
tondi na hodar, (ptds. tu Markus 9:18
“Jadi
disi ditangkup ibana, dipasaratsarat do, gabe margumogumo jala patungoripon,
laos gonggong. Nunga hudokkon angka siseanmi pabalihon ibana; alai ndang
margogo nasida).
“Apalah arti
sebuah nama”, ninna di pribahasa Indonesia. Goar do na arga manang hadirion? Na
mangulahon lomo ni rohana do manang na holan manggoar manang targoar siihuthon
Jesus? Tontu dohonon ma: na mangulahon lomo ni roha ni Jesus do na tutu situtu
siihuthon Jesus dohot na mangulahon na marguna hombar tu lomo ni rohani Jesus. Ala ni i do didok tu si Johannes, unang
orai hamu ibana nian, ai ndang tagamon insahanna ahu dung jolo diulahon
hagogoon marhitehite goarhu. Ai pandongani do di hita nasa na so mangalo hita.
Na naeng dohonon Jesus, nasa na
patupa ulaon marhite goar ni Jesus nang so masuk horong ni sisean ni Jesus, dongan ni Jesus do i papunguhon. Asa tung pungu saluhutna sahundulan jala
saparsaoran maniru pambahen ni Jesus
jala mangulahon na marguna hombar tu lomo ni rohaNa. Amen.
Bahan Diskusi:
1.
Dung do hamu targasip manang gabe
gasip (tersandung dan menjadi batu sandungan?
Songon dia ma pangalaho ni i?
2.
Songon dia ma halak na siniraan
di bagasan api?
Pdt. Lamhot M. Simbolon,
M.Th. Pendeta HKBP Resort
Teluk Pulai Dalam
Tidak ada komentar:
Posting Komentar