Jamita Epistel : Johannes 3:13-18 HABALGAON NI JAHOWA DI BAGASAN SUDE NA TINOMPA

 

01.  Jamita : Johannes 3:13-18

 

HABALGAON NI JAHOWA DI BAGASAN SUDE NA TINOMPA

 

Turpuk ta on ima sada bagian ditingki na manghatai huhut diajari Jesus sahalak na margoar Nikodemus ima halak Parise (Sahalak na berpengaruh: Ahli Agama Jahudi) taringot tu hahomion ni Injil (Barita Na Uli) barita taringot tu Holong ni Debta (Percakapan Yesus dengan Nikodemus memberikan kita wawasan tentang Kasih Tuhan Allah) digombarhon tung uli jala dang hapalang holong ni rohani Debata tu Portibion.

Huria ni Tuhanta, adong do deba sian halak Kristen menganggap ia teks ta on Johannes 3: 13-18 lumobi ma i (Joh 3: 16) “Ai songon on do holong ni roha ni Debata di portibi on, pola do Anakna na sasada i dilehon, asa unang mago ganup na porsea di Ibana, asa hangoluan na salelenglelengna di ibana.” laho paboahon taringot tu “Penebusan Allah terhadap Alam semesta” manang di hata Batak “Portibi” marlapatan tu saluhut na tinompa ndada holan tu jolma, alai molo borhat hita sian saluhut konteks ni panghataion ni Jesus tu si Nikodemus ndada apala i na naeng paboaon ni Jesus.

Na naeng paboaonNa ima taringot tu hadirionNa songon tanda (eksistensi) holong ni Roha ni Debata. Molo tung pe dipangke hata “Kosmos/ Portibi” ndada cukup informasi on laho mandok sude na tinompa (termasuk binatang, dan tumbuh- tumbuhan juga turut berdosa seperti halnya manusia) umbahen i dumenggan ma talapati hataNi Jesus ondeng laho patuduhon dang terbatas holong ni Debata, Balaga ni Holong ni Debata na patar di hadirion ni Tuhan Jesus di Harorona tu Portibion. Ai saluhut teologi (barita) ni Injil Johannes ima na naeng mandok “Jesus Ima Debata na gabe jolma jala sumeahon diriNa (Hadebataan Ni Jesus) huhut mangondolhon hasadaon angka na porsea”  antong na naeng patorangkon

hadirionNi Jesus dohot lapatanni haroroNa do turpuk ondeng. Ai Jolma i mangihuthon panghataiom ni Jesus di ay 16-17 naung marlaok Dosa (dikuasai nafsu dan kejahatan) jala ingkon mulak Tubu dibagasan haimbaruon ni Roha do muse Jolma i molo so olo ibana mago (mate), ido umbahen di patudos songon si Musa dohot ulok di halongonan (ay 14). Songon dia ma i asa boi masa mulak tubu joloma muse ? on ma sungkun sungkun ni si Nikodemus (Joh 3: 3-4) jala sude turupuk di ay 18-36 merupakan satu kesatuan dari upaya Jesus menerangkan songon dia ma asa boi mulak tubu joloma di bagasan haimbaruon ni roha jala taruli di hangoluan.

Huriani Tuhanta ayat 36 udut ni turpuk ta on ima alus na patar dibahen Jesus asa boi mulak tubu jolma i ai di dok Jesus do sahali di ayat 36 i “Naung dapotan hangoluan na salelenglelengna do na mangkaporseai Anak i” antong mulak tubu ndang na apala mandok ingkon mulak ruar sian bortian ni dainang songon na di sungkunhon si Nikodemus alai marhite manghaporseai Anak i. Nueang tubu ma sungkunsungun, cukup do holan na porsea asa gabe mulak tubu jolmai jala taruli di hangoluan?

Di buku 1 Ptr 1: 14 b di dok: “unang ma paihutihut hamu be sangkapsangkap ni roha, uju di haotoonmuna najolo” jala hombar tu si Didok muse di BE no. 476 “Ndada au Guru di Au Be Jesus do Napuna au” antong naung tubu i ndanda holan na porsea di Jesus sambing alai dohot do naung tumadinghon ngoluna di pardosaon (meninggalkan hidup yang dikuasai nafsu dan kejahatan) meninggalkan kecenderungan untuk menjadi serakah, egois, tamak, tinggi hati, angkuh, dll. Ala ni i do laos sian on ma boi ta patudos tu topik Minggu na mandok “Kebesaran Allah dalam Seluruh ciptaanNya/ Habalgaon ni Debata dibagasan sude na tinompaNa” Ingkon ta timbang do angka na taula hombar manang so hombar tu lomo ni Debata, ingkon tung so jadi hita mangolu dibagasan keserakahan, egois, tamak, tinggi hati, angkuh, dll. Unang ma mian dibagasan roha ala sumurung hita sian angka dongan di sinadongan, habisuhon, huaso, pamatang, dll, gabe marlomolomo hita manang langgus rohanta. Ingkon roha ni Debata do na mangolu di bagasan hita, asa Nang marhite Hita patar Habalgaon Ni Dabata.

Maradophon lingkungan dohot sude angka na tinompa (baik hewan/ tumbuhan dan seluruh alam) pe ndang boi hita marlomolomo (serakah) atau bertindak sebagai Tuhan, isara patupahan eksploitasi dibagasan keserakahan (egois), dll. Ingkon tong

do tapingkirhon sitadinghononta tu keberlangsungan generasi selanjutnya (sustainability), ai dang holan hita angka generasi sinuaengon na ingkon dapot mangolu diportibion tu angka generasi penerus pe ringkot do sisarihononton. Antong marhite turpukon ondolma hinaringkot ni pangantusion/ kesadaran naung mulak tubu hita dibagasan Kristus dung tardidi hita jala porsea di Ibana Ima mamboan keselarasan dohot papatarhon habalgaon ni Jahowa di bagasan sude na tinompa.

Bahan Diskusi :

1.      Aha do dampakna tu lingkungan & masyarakat molo sai tongtong hita manjugulhon mangolu dibagasan Dosa (dikuasai nafsu dan kejahatan)?

2.      Dung tabege panorangion ni Jamita on, boha do sikap panindangionta mangalapati Habalgaon Ni Jahowa Di Bagasan Sude Na Tinompa?

 

Pdt. Donny Paskah M. Siburian, S.Th, M.Sos. Pimpinan Jemaat HKBP Hasahatan Pulo Maria Res. Air Batu