Minggu Misericordias Domini 14 April 2024
Sondang
ni Bohi Ni Jahowa, Manondangi Hita (Psalmen 4: 1-9)
1. Patujolo
Buku Psalmen ima sada buku na
marisihon 150 ende, tangiang dohot angka panjahaon na dipangke halak Jahudi
ditingki marsomba tu Debata. Ala ende huhut tangiang do gumodangan isi ni buku
Psalmen on, somal do diendenon angka ende na adong di buku Psalumen on di angka
uiaon parugamoon ni inalak Janudi mamangke angka uninguningan (alat musik),
isarana songon turpukta sadarion na mamangke kecapi songon uningunigan (tangkas
do disurathon di Alkitab Bahasa Indonesia). Torop do halak mandok buku Psalmen
on songon buku na marisihon angka "Ende pujian", toho do nian
pandohan on, torop do jumpang angka ende pujian tu Debata, alai nda tung holan
ende pujian isi ni buku Psalmen on alai dohot do nang tangiang pangidoan,
pangalualuan, panindangion dohot angka parrohaon ni jolma di na mangadopi angka
hasusaan. Jala turpukta sadarion goaron ma songon Psalmen panindangion ni
haporseaon ni raja David.
2. Hatorangan
Songon naung diondolhon di ginjang
nangkin, ia turpukta sadarion ima Psalmen panindangion taringot tu haporseaon.
Aha ma na mambahen boasa boi tubu panindangion si songon on? Molo tajaha turpuk
on, boi do tangiang on tubu sian parrohaon ni sahalak na diparoaroahon (fitnah)
huhut digugai alo na, angka na marhuaso (Ay. 3, 5-6), nang pe ditangihon Debata
do tangiang na (Ay. 2b,4) na pabotohon hatigoranna (Ay. 2a).
Dibonai do Psalmen on marhite na
pabotohon gogo ni roha ni parpsalmen asa ditangihon tangiang na. Digoranon do
"Sai aiusi ma anu,..." (Ay. 2), pandonan on ndang hoian mariapatan
goragora sajo, aiai pandohan ni tubu sian roha na nionjar ni haporseaon tu
Debata (Pat. Ps. 102:3; 120:1; 138:3). Dipanghilalahon parpsalmen do denggan
basa ni Debata na tongtong mangalusi ganup tangiang na najolo, antong di tingki
on pe mangelek ma parpsalmen asa tangihonon ni Debata alualuna. Dijou
parpsalmen do Debata marhite na mandok "Debata ni hatigoranku",
lapatanna Debata do na pabotohon na so marsala parpsalmen, jala angka barita na
masa tu parpsalmen, angka hata na paroaroahon do luhut ni i iala barita gabus.
Andigan iala boha dalan ni Debata laho pabotohon hatigoran ni sasahalak? Molo
mangihuthon hasomalan di Padan Na Robi, marhite parpunguan rapot di adopan ni
langgatan di bagas Joro (Pat. 1 Raj.8:31-32) huhut manolon laho nabotohon
hatigoranna (Pat. Ps. 7:4-7: 17:3-5).
Dung pasahathon angka alualuna tu
Debata, dihatahon parpsalmen do hatana na mengarah tu angka alo na (Ay. 3-6).
Di na mangahatahon i parpsalmen taringot tu angka alona, dipabotohon parpsalmen
do hinatimbul ni Jahowa huhut mamincang angka alo na i. Dipasingot parpsalmen
do angka alo na i asa unang lalap manghaholongi na so hasea, mandiori gabus
(Ay. 3), marhite hata na jempek boi ma dohonon didok parpsalmen tu angka alo na
asa unang lalap mangalului hasalaan ni parpsalmen marhite hata gabus. Alai
ditogihon parpsalmen do angka alo na asa mamelehon pelean hatigoran huhut
marhaposan tu Jahowa (Pat. Ps. 51:21; 5 Mus. 33:19). Nian ndang holan
parpsalmen na ni lea i angka alona (Ay. 7), nunga tung torop jolma angka na
mandai sisongon i (digabusi angka na marhuaso). Alai di na mangadoni angka na
lea na dibahen angka alo na i, ndang mambahen parpsalmen gabe lomos, ai porsea
do ibana tu Debata na sai tongtong mangalusi angka tangiang na (Ay. 8-9).
3. Sipahusorhusoron
Psalmen bindu 4 on naeng pabotohon
tu hita haporseaon ni sahalak na dileai, diparoaroahon halak, alai tongtong
marhaposan tu Debata. Mangido do nian ibana asa dipalua sian hasusaan on, alai
dipasahat do saluhut na i tu Debata. Susa do nian panghilalaon na, alai
mariaria jala marpanghirimon do tondi na, alani i do dipasahat alualu na
marhite ende dohot tangiang tu Debata. Alai na gabe siingoton tu hita, hita pe
unang ma nian naroaroahon halak, mambahen angka hata gabus taringot tu
sasahalak, tarlumobi ma paroaroahon halak alani pardompakan na (wajah) manang
latarbelakang na, gabe patubu angka hata na rasis hape ris do holong ni roha ni
Debata tu saluhut jolma. Ai ido na naeng niondolhon ni HKBP di taon Oikumene
Inklusif 2024 on, ima manguiu ap dooi angha juma na asing, mariane dovi suic
haiah, gariadia umbagas upe sian i, ima mardame dohot saluhut angka jadijadian
ni Debata marhite na mangaradoti angka ulaon hadaulaton, isarana na menjaga
kelestarian alam. Molo nunga taula saluhut na i, tarida ma asi ni roha ni
Debata tu portibion (Misericordias Domini).
Tidak ada komentar:
Posting Komentar